السلام عليكم ورحمة الله و بركاته
فكرة النهاردة عن اعادة استخدام بخاخ اى منتج من منتجات التنظيف
اللى موجودة عندنا فى البيت
منظف زجاج او منظف للمطبخ معظمنا بنرمى البخاخات ديه
او كتير مش بنبقى عارفين احنا حاطين ايه فى البخاخ
علشان كلهم شبه بعض
هتشوفوا انا غيرت من شكل البخاخ ازاى بطريقة سهلة
و تخلينا عارفين كل بخاخة فيها ايه ♥
 |
دى البخاخة اللى انا عملتها هى كانت بخاخة ملمع الزجاج وطبعا بعد ما بيخلص شكل الورقة مش بيبقى حلو ومش بنعرف احنا حاطين ايه فى البخاخة |
 |
انا حطيت مستر ماسل وضيفت عليه شويه خل علشان الخل طبعا معروف انه بيقضى على البكتريا وخصصتها للمطبخ وممكن اضافة شوية صغيرة من فيرى او اى منظف مواعين |
 |
منظف متعدد الاستخدام ممكن نكتبها على اى منظف عندنا بنفضيه فى البخاخة علشان اللى موجودين فى البيت يبقوا عارفين البخاخة ديه بتاعة ايه |
 |
ده شكل الليبل اللى استخدمته هو موجود فى ايكيا |
 |
ده الشكل اللى لزقته على البخاخة فى الاول علشان تديها شكل جميل ومميز انا بحب الشكل ده جدا بحب ادخله فى معظم شغلى ممكن نستبدله بجلاد شكله حلو |
 |
ديه للحمام ممكن تحطى فيها ديتول مخفف بالماء او مستر ماسل بيدى الحمام ريحة حلوة اوى ♥♥♥ ملحوظة هنلزق على البخاخ ب double tape وبعد كده طبقة من الجلاد البلاستك الشفاف لحماية الشكل اللى عملناه وطبعا شكله بيبقى حلو اوى فى رف الحمام او المطبخ |
No comments:
Post a Comment